آواران ءِ ھند جاھو ءَ پاکستانی پوج ءِ جوڑ کرتگیں کشندہ ٹولی ءِ کارمنداں دو ورنا آوار جتگ ءُ کشتگ ۔
زرمبش جھگیر ءِ رد ءَ کشگ بیتگیں ورنایانی نام نزیر ء بھرام ءُ نورجان ء امیر بکش اِنت کہ دوئیں جھل جاھو ءِ جاہ منند اَنت۔ نزیر مرچی سھب ءَ چہ وتی گس ءَ جلائی کانی ءَ آوار جنگ بوتگ ءُ نورجان مرچی نیمروچ ءَ چہ کلاتو ءَ دگ ءِ سر ءَ آوار جنگ بیتگ۔
دوئیں ورنایانی لاش مرچی بیگاہ ءَ چہ جھل جاھو ءَ دست کپتگ اَنت۔
چوش کہ مرچی جاھو ءِ میتگ زیلگ ءَ پاکستانی پوج ءِ دست ءَ ھمید بلوچ نامیں بیگواھیں ورنایے کشگ بیتگ اَت۔ یکیں روچ ءَ جاھو ءَ ریاستی لشکر ءَ سے ورنا کشتگ۔
