آواران ءِ ھند جاھو ءَ پاکستانی پوج ءَ زور بیگواھیں مردمے کشتگ۔
زرمبش جھگیر ءِ رد ءَ کشگ بیتگیں مردم ءِ نام ھمید بلوچ ء اپزل اِنت کہ جاھو کوٹو ءِ جاہ منند اِنت۔ پنچ روچ پیش چہ جاھو زیلگ ءَ پاکستانی پوج ءَ آوار جتگ ءُ بیگواہ کرتگ۔ ھمید مرچی کشگ بیتگ۔
چوش کہ بلوچستان ءَ پاکستان پوج ءُ چیریں ادارھانی نیمگ ءَ زوریں بیگواھی ءُ بیگواھیں مردمانی ناھکیں کوش گوں ترندی ءَ برجاہ اِنت۔
تھنا ھمے سال ءَ چہ جاھو ءَ سے مردم پاکستانی پوج ءِ دست ءَ آوار جنگ ءُ کشگ بیتگ اَنت۔ 23 مئی 2025 ءَ چہ جاھو ٹوبوکڈ ءَ ھنیپ ء ازیز نامیں ورنایے پوج ءَ آوار جنگ ءَ پد کشتگ ءُ آئی لاش چگل داتگ۔
30 مئی 2025 ءَ جاھو ءِ میتگ چھبی ءِ جاہ منند درمان بلوچ ء رھیم بکش ءِ لاش چہ کوھڑو ءَ دست کپ ایت۔
