بلوچ ریپبلکن آرمی ( بی آر اے ) ءِ جارکش سرباز بلوچ ءَ ماں رسانکدر ءِ وتی شنگ کرتگیں درشانے ءَ گوشتگ کہ ڈیرہ بگٹی ءَ دو کاروائیاں ریاست ءِ سَے چریک نشانگ کرتگ۔
آئی گوشتگ کہ مرچی ڈیرہ بگٹی ءِ ھند سوئی ءَ بگٹی کالونی ءِ دلوتانی منڈی ءَ سرکاری چریک کلیری مریٹہ بگٹی سرمچاراں نشانگ کرتگ۔ چہ ایشی آسر ءَ آ سکا ٹپی بوتگ۔ پاکستانی پوج ءَ آ پہ الاج ءَ پنجاپ ءَ دیم داتگ۔
جارکش ءَ گوشتگ کہ دگہ یک کاروائی یے ءَ سوئی شھر ءَ تھسیل بازارءَ ریاستی کشندہ ٹولی ءِ نزیکیں کارمند ھالک پنام کالو مسوری بگٹی ءِ اڈہ گوں دستی بمب ءَ نشانگ کرتگ۔ اُرش ءَ پد کشندہ ٹولی ءِ کارمند ڈن ءَ درکپتگ اَنت کہ آ گوں ٹوھیں سلاھاں نشانگ نشانگ کرتگ اَنت۔ چہ ایشی آسر ءَ دو کارمند ٹپی بوتگ۔
جارکش ءَ گوشتگ کہ اے کارمند پہ پاکستانی پوج ءَ چاریگی ءَ ھوار دمگ ءَ مردمانی زوربیگواھی، زر گرگ، زمینانی دستیگ کنگ ءُ مردمانی آوار جنگ ءَ ریاست ءِ کمک کنگ ءَ ھوار بوتگ اَنت۔ کہ آ گڈی آسر ءَ سر کنگ بنت۔
