پنجگور: بلوچی زبان ءِ کلانھیں نبشتہ کار ءُ گدار نویس پکیر مھمد اَمبَر جھمنند پنجگور بیران بیتگ۔
پکیر مھمد امبر گرمکان پنجگور ءِ جھمنند اِنت۔ 1935 ءَ ودی بیتگ۔ پکیر مھمد ءَ پہ بلوچی زبان ءَ باز گدار ءُ آزمانک نبشتہ کُرتگ ءُ آئی ءِ اولی گدار نل ءِ توار اِنت۔
بلوچی ءِ بازیں لبزانکارانی گْوشگ اِنت کہ بلوچی ءَ اولی گدار پکیر مھمد اَمبر ءِ نل ءِ توار اِنت ءُ باز ءِ گْوشگ اِنت سید ھاشمی ءِ نازک اِنت بلے نازک پیسر ءَ چاپ ءُ شنگ بیتگ ءُ نل ءِ توار رَند ءَ۔
بلوچی زبان ءِ اے کلانھیں نبشتہ کار زی بیران بیتگ ءُ آئی ءِ جنازہ ءِ نماز مرچی بیگاہ ءَ پنجگور ءَ وانینگ بیت۔
