ڈیرہ بگٹی/گورکوپ: پاکستانی پوج ءَ پنچ مردم آوار جتگ ءُ بیگواہ کرتگ۔
اھوالکار ءِ رد ءَ پاکستانی پوج ءَ زی چہ ڈیرہ بگٹی ءِ شھر ءَ میشو ھان ء مٹا ھان بگٹی نامیں مردمے آوار جتگ ءُ بیگواہ کرتگ۔
ھمے وڑ ءَ چہ سوئی ءَ پاکستانی پوج ءَ پنیری ء مڑزو بگٹی نامیں مردمے آوار جتگ ءُ بیگواہ کرتگ
آئی کھول ءِ گوشگ اِنت کہ پنیری بگٹی پٹ پیڈر ءِ جھمنند اِنت ءُ یک بیوسیں مردمے پاکستانی پوج ءَ 27 جون ءَ چہ سوئی ءَ آوار جتگ ءُ بیگواہ کرتگ کہ انگت بیگواہ اِنت۔
ھمے وڑ ءَ چہ گورکوپ ءَ 12 جولائی ءَ پاکستانی پوج ءَ سدیر ء سبزل، ندیم ء رشید جھمنند سولانی ءُ ھسین ء پلی کہ گورکوپ سری کلگ ءِ جھمنند اِنت آوار جتگ ءُ بیگواہ کرتگ۔
چوش کہ بلوچستان ءَ پاکستانی پوج ءِ نیمگءَ زوریں بیگواھیانی درچ گوں ترندی ءَ برجاہ اِنت ھمک روچ سے چار مردمانی زوریں بیگواھیانی کیس دیم ءَ پیداک اَنت۔
