بلوچ لبریشن آرمی ( بی ایل اے ) ءِ جارلش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں شال ، مستونگ ءُ زورگریں پاکستانی پوج سے جتائیں اُرشاں نشانگ کرتگ که اِے اُرشانی آسر ءَ زورگریں پوج ءِ ٹوھیں سروگانے ءَ هوار هپت کارمند مرتگ۔
آئی ءَ گوشتگ که بی ایل اے ءِ سرمچارام 19 جولائی ءَ شال ، جبل نور ءَ زورگریں پاکستانی پوج ءِ میجر رینک سروگان انور کاکڑ گوں تراکناکیں شورھاں نشانگ کرتگ ، اے کاروائی بی ایل اے ءِ اسپیشل ٹیکٹیکل آپریشنز اسکواڈ ( ایس ٹی او ایس ) ءِ انٹیلی جنس ونگ زرآب ءِ ھالانی بنیاد ءَ گوں سوبمندی ءَ کنگ بیتگ۔
جارکش ءَ گوشتگ که زورگریں پاکستانی پوج ءِ میجر انور کاکڑ بلوچستان ءَ زوراکیانی ھوار بوگ ءِ هواری ءَ آئی ایس پی آر ءِ سروکے ءَ ڈس انپو لیبز ءِ سروکے ءَ هم کنگ ءَ بیتگ که ایشی مول چاگردی رسانکدرانی ویب سائٹس ءَ هزارانی کچ ءَ دروگیں اکاونٹس ءُ ویب سائٹس ءِ پارست ءَ بلوچستان ءِ راستیں جاورانی چیر دیگ ءُ زورگریں ریاست ءِ نپ ءَ پروپگنڈه کنگ ءَ هوار بیتگ۔
آئی ءَ گوشتگ که بی ایل اے ءِ انٹیلی جنس ونگ زرآب ءَ میجر انور کاکڑ ءِ سر ءَ داں دراجکشیں وھدے ءَ چم سک داتگ اَنت ءُ آئی ءِ درسیں بُندر ءُ تر ءُ گردانی سر ءَ چارگ ءَ پد آ وتی گڈی آسر ءَ سر کرتگ۔
جارکش ءَ گوشتگ که بی ایل اے ءِ سرمچاراں آدینگ ءِ روچ ءَ مستونگ ءِ ھند گل آب ءِ نزیک ءَ ژلی ءَ زورگریں پاکستانی پوج ءِ گاڑیانی کاروان ءِ سر ءَ هما وهد ءَ سنگر گپتگ ءُ نشانگ کرتگ اَنت که آ ھمے دمگ ءَ لشکرکشی کنگ ءِ جھد ءَ بیتگ اَنت ، اُرش ءَ زورگریں پاکستانی پوج ءِ شش کارمند جاھی مرتگ ءُ ھمے وڑ ءَ دگه بازیں کچے ءَ تاوان بیتگ۔
آئی ءَ گوشتگ که دگه یک کاروائی یے ءَ 19 جولائی ءِ سھب ءَ سرمچاراں نسیرآباد ءِ ھند منجھو شوری ءَ زورگریں پاکستانی پوج ءِ کارمند ھما وھد ءَ گوں چیر کرتگیں شورھاں نشانگ کرتگ اَنت که آ یک چوکه یے ءَ په کاروان ءِ پھازداری ءَ سر بیتگ اَنت۔
جارکش ءَ گوشتگ که سرمچاراں ھمے چوکی ءَ چه پیش ءَ تراکناکیں شوره چیر کرتگ اَنت ، تراک ءِ آسر ءَ دو کارمند سکا ٹپی بیتگ.
جیھند بلوچ ءَ درشان ءِ گڈی ءَ اُرشانی زمه واری من اتگ۔
