بلوچستان لبریشن پرنٹ (بی ایل ایپ) ءِ جارکش میجر گھرام ءَ گوشتگ کہ بی ایل ایپ ءِ سرمچاراں 18 جولائی ءِ شپ ءِ ادار نُھ ءُ نیم ءَ سوراب ءَ زورگریں پاکستانی پوج ءِ مزنیں بنجل ءِ سر ءَ اُرش کرتگ ءُ دژمن ءِ شش کارمند کشتگ۔ گل ءِ چیریں بھرگ ءَ ھال داتگ کہ دژمنیں پوج ءِ کارمند بنجل ءَ ڈن ءَ دیوانے ءَ نشتگ اَنت۔
آئی گوشتگ کہ ھمے ھال ءِ پد ءَ بی ایل ایپ ءِ سرمچاراں ھما وھد ءَ کاروائی کرتگ ءُ دیوان ءَ نشتگیں کارمندانی سر ءَ اولی ءَ دستی بمب چگل داتگ ءُ پد ءَ آیانی سر ءَ تیرگواری کرتگ۔ چہ ایشی ءَ دژمن ءِ شش کارمند جاھی مرتگ۔ اُرش ءَ پد دژمنیں پوج ءَ سرمچارانی انگر کنگ ءِ بے سوبین جھدے کرتگ پہ دیم تیرگواری کرتگ میتگ نشانگ کرتگ ءُ باز گولا آس داتگ۔ بلے سرمچار چہ تھاری ءِ سوب ءَ پہ سلامتی درکپتگ ءُ وتی بنَدْراں سر بوتگ اَنت
میجر گھرام ءَ سوراب ءَ زورگریں پاکستانی پوج ءِ مزنیں بنجل ءِ سر ءَ اُرش ءَ شش کارمندانی کوش ءُ درزنے ءَ گیش ءِ ٹپی کنگ ءِ زمہ واری من اِتگ۔
