شال | کیچ: پاکستانی پوج ءَ بیڑ برتگ ءُ دو مردم آوار جنگ ءَ پد بیگواه کرتگ۔
بنشون ءِ رد ءَ 11 جولائی ءِ سھب ءَ پاکستانی پوج ءُ سی ٹی ڈی ءِ کارمنداں چه شال ءِ ھند اے ون سٹی ءَ اشپاک ء مشتاک نامیں نودربرے آوار جتگ ءُ بیگواه کرتگ ، بیگواه کنگ بیتگیں اشپاک ء اُمر نوزده سال اِنت ءُ مشکے ءِ جاه منند اِنت۔
دومی نیمگ ءَ پاکستانی پوج ءَ کیچ ءِ ھند ھوشاپ ءَ اَرز مھمد بازار ءَ زی سھب ءِ نُھ ءَ بیڑ برتگ ءُ آواز ء ھسن نامیں مردمےآوار جتگ ءُ بیگواہ کرتگ۔ پوج ءَ آئی آوار جنی ءِ میان ءَ گسانی پٹ ءُ کنگ ءِ ھواری ءَ گوں مردماں زوراکی کرتگ ءُ آیانی موبائل ھم پل اتگ اَنت۔
