بلوچستان لبریشن پرنٹ ءِ جارکش میجر گھرام ءَ گوشتگ کہ بی ایل ایپ ءِ سرمچاراں پازدہ جولائی ءَ جاھو گجرو کئور ءَ زورگریں پاکستانی پوج ءِ سر ءَ اُرش کرتگ ءُ یک میجرے رب نواز تارک ءَ ھوار شش کارمند کشتگ۔ ایشی پسو ءَ دژمنیں پوج ءَ دمگ ءَ جھلی ءُ برزی کاروائی بندات کرتگ، جتاھیں ھنداں کمانڈو ایر کرتگ ءُ زمینی پوج ءَ ھم جتاھیں کوھاں روکیں راہ بستگ اَنت۔ لشکر کشی ءِ دومی روچ ءَ سرمچاراں ھیلی کاپٹرانی ایر کرتگیں ایس ایس جی کمانڈو نشانگ کرتگ اَنت ءُ چار کمانڈو کشتگ۔ ایشی ءَ ھوار سرمچاراں ایس ایس جی کمانڈو ایر کنوکیں ھیلی کاپٹر گوں ٹوھیں سلاھاں نشانگ کرتگ ءُ پہ تچگ ءَ لاچار کرتگ اَنت۔ چہ ایشی ءَ دژمن پد کنز اتگ۔
جارکش ءَ گوشتگ کہ شازدہ جولائی ءِ بیگاہ ءِ ادار پنچ ءِ نزیک ءَ سرمچاراں کولواہ ءِ ھند بل الندور ءَ زورگریں پاکستانی پوج ءِ چوکی ءِ سر ءَ گوں ٹوھیں سلاھاں اُرش کرتگ ءُ دژمن ءِ کارمند جانی ءُ مالی تاوان داتگ اَنت۔
آئی گوشتگ کہ بی ایل ایپ ءِ سرمچاراں یک دگہ کاروائی یے ءَ 17 جولائی ءِ شپ ءِ ادار دہ ءِ نزیک ءَ نوشکے ءِ ھند تاڈیز ءَ پولیس چوکی انگر کرتگ ءُ ڈیوٹیءَ ساڑی ئیں کارمند دزگیر کرتگ اَنت ءُ چوکی ءَ ایریں سرکاری سلاہ برتگ اَنت ءُ پولیس کارمند یل داتگ۔
میجر گھرام ءَ درشان ءِ گڈی ءَ جاھو، کولواہ ءُ نوشکے اُرشانی زمہ واری من اِتگ۔
