اسلام آباد؛ بلوچ یکجھتی کمیٹی ءِ سروک ڈاکٹر ماہ رنگ بلوچ، سبگت اللہ شاہ جی، بیبرگ بلوچ، بیبو بلوچ، گلزادی بلوچ ، گپار بلوچ ءُ امران بلوچ ءِ یل نہ کنگ ءِ بگیری ءَ زھرشانی نندانک برجاہ اِنت۔
زھرشانی ءَ زور بیگواھیں مردمانی کھولاں بازیں کچے ءَ بھر زرتگ۔ زھرشانی نندانک ءَ نشتگیں مردماں بی وائی سی ءِ سروک ءُ زور بیگواھیں مردمانی اکس گون اَنت۔
زھرشانی ءَ نشتگیں مردمانی گوشگ اِنت کہ مئے لوٹ چہ سرکار ءَ ھمیش اَنت کہ بلوچ یکجھتی کمیٹی ءِ سروک زوتاں چہ زوت یل کنگ بہ بنت ءُ بلوچستان ءَ زوریں بیگواھی ءُ بیگواھیں مردمانی درکانودی کوش زوت بند کنگ بہ بیت۔
آیاں گوں درسیں اھوالکار، وکیل، انسانی ھکانی کارکن ، سیاسیت دان ءُ اکوام متھدہ ءَ لوٹ کرتگ کہ آ پاکستان ءَ زور بدے اَنت دانکہ بلوچستان ءِ مردمانی گون ءَ انساپ کنگ بہ بیت۔
