بلوچستان ءَ چہ ترندیں ھورانی گوارگ ءَ شازدہ مردم بیران ءُ بازیں کچےءَ گس ءُ کشار تاوان بوتگ اَنت۔
ڈیزاسٹر مینجمنٹ اتھارٹی (پی ڈی ایم اے) رپورٹ ءِ رد ءَ بلوچستان ءِ ھپت دمگاں ژوپ، موسا کیل، لورالائی، کوھلو، زیارت لسبیلہ ءُ ھزارا ءَ مردمانی بیرانی ءِ ھال اِنت کہ چہ بیران بوتگیں مردماں ھپت زھگ، پنچ مردین ءُ چار جنین ھوار اِنت۔ ترندیں ھورانی سوب ءَ 58 گس تاوان بوتگ کہ چہ اے گساں یازدہ گس سرجم ءَ کپتگ اَنت۔
پی ڈی ایم اے ءِ رد ءَ ھورانی گوارگ ءَ کشاراں ھم تاوان تاوان بیتگ اَنت کہ بازیں ھنداں ڈگارانی سر ءَ ٹیوب ویلانی سولر ھراب بوتگ اَنت۔
