پاکستانی پوج ءِ دست ءَ زور بیگواہ کنگ بیتگیں زپر اللہ بنگلزھی ءِ مات ءَ گوشتگ کہ زپر اللہ بنگلزھی گوں وتی ناکو ڈاکٹر سرور ءِ ھواری ءَ 13 جولائی 2010 ءَ مستونگ ءِ ھند اسپلنجی دشت ءِ میتگ کابو ءَ لشکرکشی ءِ میان ءَ آوار جنگ ءُ زور بیگواہ کنگ بیتگ۔
آئی ءَ گوشتگ کہ زپر اللہ بنگلزھی انجینئرنگ زانشتجاہ ھزدار ءَ سول ٹیکنالوجی ءِ پائنل ایر ءِ نودربرے۔
مات ءِ گوشگ اِنت کہ چہ زپر اللہ بنگلزھی ءِ دراجکشیں زوریں بیگواھی ءَ پد مئے گس چو کبرستان ءَ اِنت۔ مئے درسیں وشی پلگ بیتگ اَنت۔ ما پہ زپر اللہ ءِ آجوئی ءَ ریاست ءِ جوڑ کرتگیں ھمک کمیشن، ھمک پورم ءُ آمیدگس ءَ شتگ ایں بلے کس مئے پریات ءَ گوش نہ دار ایت۔
آئی ءَ گوشتگ کہ ما چہ میان استمانی انساپ دیوکیں ادارہ ءُ انسانی ھکانی درسیں گلاں لوٹ کن ایں کہ پہ منی زھگ ءِ آجوئی ءَ توار چست بہ کن اِت دانکہ آجو بہ بیت۔
