کیچ ءِ ھند تمپ ءَ پاکستانی پوج ءَ پنچ مردم آوار جنگ ءَ پد بیگواہ کرتگ۔
زرمبش جھگیر ءِ رد ءَ بیگواھیں مردمانی نام ایوب ء واھد بکش، سئید ء داد مھمد، پازُل ء پدا، زیا اللہ ء اسد اللہ ءُ ابدی ء اسد اللہ ءِ اِنت کہ تمپ ءِ میتگ میرآباد ءِ جاہ منند اَنت۔ زی بیگاہ ءَ پوج ءَ چہ میر آباد ءَ گوں دگہ باز مردم ءِ ھواری ءَ آوار جتگ اَنت۔ آدگہ مردم یل کنگ بیتگ اَنت بلے ھمے پنچیں مردم انگت ءَ بیگواہ اَنت۔
زور بیگواھیں مردمانی کھولاں چہ انسانی ھکانی ادارھاں پہ وتی مردمانی آجوئی ءَ لوٹ کرتگ۔
