جنیوا: اکوام متھدہ ءِ انسانی ھکانی کارگس (OHCHR) ءِ گوشگ اِنت کہ گزہ ءَ چہ مئی ءَ داں انوں پہ ورگی سامان ءِ گرگ ءِ جھد ءَ کم چہ کم 789 پلستینی کشگ بیتگ۔
رپورٹ ءِ رد ءَ گیشتریں مردم اسرائیلی پوج ءَ کمک سامانی گرگ ءِ بنجل یا کاروانانی نزیک ءَ نشانگ کرتگ اَنت۔
جنیوا ءَ اکوام متھدہ ءِ جارکش روینا شمداسانی گوشتگ کہ 7 جولائی ءَ مارا 798 مردمانی مرگ ءِ رپورٹ سر بیتگ کہ آیانی تہ ءَ 615 مردم کمکی بنجلانی نزیک ءُ 183 مردم کمکی کاروانی راہ ءَ کشگ بیتگ اَنت۔
چہ رپہ شھر ءِ گوریچان ءُ روکپت ءَ یک کمکی بنجاھے ءِ نزیک ءَ اسرائیلی پوج ءِ تیرگواری ءَ دہ پلستینی مرتگ ءُ شست ءَ گیش ٹپی بیتگ۔ ھان یونس ءِ ھند الستر ءَ چہ اسرائیلی پوج ءِ گولا جنگ ءَ دگہ دو مردم مرتگ۔
