ناروے: میان استمانی ادبی گل PEN اینٹرنیشنل ءَ گوں پاکستانی ریاست ءَ لوٹ کرتگ که آ انسانی ھکانی کارکن ءُ ایمن نوبل ءِ داد ءِ نامینگ بیتگیں ڈاکٹر ماه رنگ بلوچ ءِ زوت یل کنگ بہ بیت، ہ آ اے وھد ءَ تھنا پہ ایمنیں زھرشانی کنگ ءَ زندانی کنگ بیت۔
پی ای این اینٹرنیشنل ءِ جنینانی نبشتہ کاری کمیٹی ءِ سرکماش جودت هل ءَ گوشتگ که ما گوں ماه رنگ بلوچ ءَ هوار یں که آئی ءَ په بلوچستان ءِ مردمانی انساپ ءُ انسانی ھکاں توار چست کرتگ۔ دزگیری آجوئی ءِ نه بوگ ، کمینانی نشانگ کنگ ءُ جنینانی دیم ءَ آھوکیں جیڑھانی نشان اِنت که آیاں پاکستان ءَ راست گوشی ءِ جھد کرتگ. ما گوں درسیں اے پیمیں کارکناں اوشتاتگ ایں که آ په وتی مردماں توار چست کنگ ءَ اَنت۔
