بلوچستان لبریشن پرنٹ ءِ جارکش میجر گھرام بلوچ ءَ وتی درشان ءَ گْوشتگ کہ سرمچاراں 9 جولائی ءَ روچ ءِ یازدہ ءَ جاھو ءِ مستریں بازار واجہ ءِ باگ ءَ یک مھکمیں کارروائی یے کُرتگ ءُ ریاست ءِ کشندہ ٹولی ءِ باسک نیک جان مھمد ھسنی ء نور مھمد تیر جتگ ءُ کُشتگ۔
آئی ءَ گْوشتگ کہ گل ءَ اے کاروائی گوں چیریں ھالے ءِ بنیاد ءَ کُرتگ نیک جان نشانگ کُرتگ، نیک جان چہ 2010 ءَ پہ ریاست ءِ ادارھاں کار کنگ ءَ بیتگ۔آ پوج ءُ چیریں ادارھانی کارمند ءُ نیشنل پارٹی ءِ ھندی سروک ساکِب بزنجو ءِ گون ءَ ھوار بیتگ ءُ جاھو، گریشگ،نال ءُ اورناچ ءَ ھوار کش ءُ گْورانی دمگاں بلوچ راج ءُ سرمچارانی بگیری ءَ پوج ءِ ھمراہ ءُ کمکاری، چاریگی،راشن ءُ دگہ دژمنی کار ءَ ھوار بیتگ۔
آئی ءَ گْوشتگ کہ نیک جان ھمے زوتاں گدر ءُ سوراب ءَ ریاست ءِ کشندہ ٹولی ءِ سروک شپیک مینگل ءِ ھمکار سلتان شھداد زھی ءِ گون ءَ ھوار بیتگ ءُ پد ءَ گوں سمد سمالانی ءَ ھوار بیتگ ءُ سورگر ءِ کوھی دمگاں سرمچارانی ڈوارانی سر ءَ اُرش کنگ ءِ شور کُرتگ ءُ راہ ءُ در نشان داتگ اَنت۔ آ اے دمگ ءَ پہ دژمن ءَ یک بلدیں چریکے جوڑ بیتگ۔
جارکش ءَ گْوشتگ کہ نیک جان جاھؤ ءُ گریشگ ءَ چاگردی سلکاری، منشیات، دُزی،مردمانی زمینانی برگ ءُ مردمانی آوار جنگ ءَ ھوار بیتگ۔بازیں ورنایانی زور بیگواھی ءُ شھید کنگ ءَ تچکی ءَ ھوار بیتگ۔
میجر گھرام ءَ گْوشتگ کہ 2016 ءَ گریشگ ءَ شھید مراد ء بالاچ ءُ شھید پکیر ء بالاچ ءِ زور بیگواھی ءُ کوشارینگ ءَ ھوار بیتگ۔دسمبر 2021 ءَ جاھو، سورگر ءَ شھید سرمچار شبیر پنام رزا جھمنند گریشگ ءُ اگست 2024 ءَ جاھو ءَ شھید سرمچار سیکنڈ لیپٹیننٹ شمبین پنام شیھک جان ءِ شھید کنگ ءَ گون بیتگ۔
آئی ءَ گْوشتگ کہ اے کارروائی بی ایل ایپ ءِ راجی دیمپانی کارشونی ءِ دْرچ اِنت،ایشی ءِ مول ءُ مُراد زورگریں ریاست ءِ ھندی چریک ءُ چاریگ وتی آسر ءَ سر کنگ اِنت۔
بی ایل ایپ ءِ جارکش ءَ وتی درشان ءِ گُڈی ءَ اُرش ءِ زمہ واری منّ اِتگ ءُ گْوشتگ کہ ما چہ رسانکدر ءِ نیمگ ءَ ھما دُرسیں ٹکی ءُ دمگی سروکاں سرپد کنگ لوٹ ایں کہ اگاں آیانی کھول،دمگ یا ٹک ءِ ھرچ مردم گوں ریاست ءِ چیریں ادارہ،کشندہ ٹولی یا گوں پوج ءَ بندوک اِنت گڑا آیاں زوت چہ راج دُژمنی ءَ مہ کن بہ کن اَنت اگاں نہ گڑا بی ایل ایپ راجی وژھالی ءِ بنیاد ءَ راجدروھانی بگیری ءَ کاروائی کنت۔
آئی دیمتر ءَ گْوشتگ کہ اے جنگ زورگِر ءِ بگیری ءَ اِنت،بلے کسے کہ اے جنگ ءَ دژمن ءِ ھمراھداری ءَ کنت گڑا آ ھم دُژمن ءِ وڑ ءَ چارگ بیت۔
