پلستین: گزہ ءَ چہ اسرائیلی پوج ءِ نیمگ ءَ نوکتریں برزی ارش ءُ تیرگواریانی آسر ءَ جنین ءُ زھگاں ھوار دگہ ھشتاد ءُ دو پلستینی مرتگ۔
جھانی ھالانی رد ءَ چہ اسرائیلی پوج ءِ نیمگ ءَ چہ چار شمبے ءَ داں پنچ شمبے ءَ برزی ارش ءُ تیرگواریانی آسر ءَ کم چہ کم ھشتاد ءُ دو پلستینی مرتگ۔ آیانی تہءَ 38 مردم ھما اَنت کہ آیاں پہ کمکی سامان ءِ گرگ ءَ روگ ءِ جھد کرتگ نشانگ کنگ بیتگ اَنت۔
جاندراھی تک ءِ گوشگ اِنت کہ گزہ ءَ انڈونیشی نادراھجاہ ءِ کارمستر ڈاکٹر مروان سلتان ءُ آئی لوگبانک ھم ھمے برزی ارشاں کشگ بیتگ اَنت۔
اسرائیلی پوج ءِ نیمگ ءَ چارشمبے ءُ داں پنچ شمبے ءَ بیتگیں ارشانی آسر ءَ تاوانانی سرجمیں کچ انگت زانگ نہ بیتگ۔
گزہ ءَاسرائیلی پوج ءَ یک وانگجاھے نشانگ کرتگ کہ اود ءَ بےگسیں پلسینی بیتگ اَنت ارش ءِ آسرءَ کم چہ کم دوازدہ مردم مرتگ کہ آیانی تہ ءَ جنین ءُ زھگ ھوار اَنت۔ بازیں کچے ءَ مردم ٹپی بیتگ اَنت۔
