بلوچ ریپبلکن گارڈز (بی آر جی) ءِ جارکش دوسین بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی آر جی ءِ سرمچاراں ڈاڈر ءَ زورگریں پاکستانی پوج ءِ یک گاڑی یے گوں تراکناکیں شورھاں نشانگ کرتگ۔ تراک ءِ آسر ءَ زورگریں پوج ءِ دو کارمند مرتگ ءُ سَے کارمند سک ءَ ٹپی بوتگ ءُ گاڑی تاوان بوتگ۔
آئی گوشتگ کہ بلوچ ریپبلکن گارڈز ءِ سرمچاراں نسیرآباد ءِ ھند پٹ پیڈرل پھل ءِ نزیک ءَ بیدار دگ ءَ زورگریں پاکستانی پوج ءِ یک گاڑی یے گوں تراکناکیں شورھاں نشانگ کرتگ۔ اے تراک ءِ آسر ءَ زورگریں پوج ءِ سَے کارمند مرتگ ءُ باز ٹپی بوتگ۔
جارکش دوستین بلوچ ءَ اے اُرشانی زمہ واری من اِتگ ءُ گوشتگ کہ مئے اے وڑیں اُرش داں بلوچستان ءِ آجوئی ءَ برجاہ بنت۔
