گزہ : پنچ شمبے ءِ سھبءَ چہ اسرائیلی پوج ء ِ تیرگوری ءُ برزی ارش ءَ کم چہ کم 21مردم مرتگ۔
جھانی رسانکدر ءِ رد ءَ گزہ ءِ ھند شیک رزوان ءَ بے گسیں مردم یک وانگجاھے ءَ بیتگ اَنت کہ اسرائیلی لشکر ءَ برزی ارش کرتگ کم چہ کم نھ مردم مرتگ۔ ھمے وڑ ءَ گزہ پٹی ءِ زرباری شھر ھان یونس ءَ یک میتگے ءِ نزیک ءَ دگہ برزی ارشے ءَ نھ مردم مرتگ۔
میانی گزہ ءَ یک مزنیں شھدگے ءِ سر ءَ پہ اکوام متھدہ ءِ گاڑیاں ودار کنوکیں شھریانی سر ءَ تیرگواری ءِ آسر ءَ دگہ سے مردم مرتگ ءُ باز ٹپی بیتگ۔ انوں لھتیں ھپتگانی میان ءَ پہ کمکی سامان مچ بیتگیں مردمانی سر ءَ تیرگواری ءَ باز پلستینی مرتگ۔
