بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ 21 جون ءِ شپ ءِ ادار ھپت ءَ بی ایل ایپ ءِ سرمچاراں مَشکے ءِ ھند اوگار ءُ تنک ءَ پاکستانی پوج ءِ چوکیانی سر ءَ یکیں وھد ءَ اُرش کرتگ۔ تنک ءَ زورگریں پاکستانی پوج ءِ چوکی ءِ ڈن ءَ اوشتوکیں یک کارمندے گوں اِسنائپر ءَ نشانگ کرتگ ءُ کشتگ۔
آئی گوشتگ کہ مَشکے ءِ ھند اوگار ءَ 21 جون ءَ سرمچاراں دژمن ءِ سر ءَ گوں ایل ایم جی ءُ آدگہ نوکین ءُ ٹوھیں سلاھاں ھما وھد ءَ اُرش کرتگ کہ پوج ءِ شش کارمند کیمپ ءِ نزیک ءَ مُلکاں تر ءُ گرد کنگ ءَ بوتگ اَنت۔ مَشکے ءِ ھند اوگار ءَ 21 جون ءَ اُرش چہ سک ءَ نزیک ءَ کرتگ۔ ایشی آسر ءَ کارمند مرتگ ءُ ٹپی بوتگ اَنت۔اُرش ءَ پد سرمچار پہ سلامتی وتی سنگر ءَ سر بوتگ انت۔
آئی گوشتگ کہ مَشکے ءِ ھند گزی کور ءَ 21 جون ءَ بی ایل ایپ ءِ سرمچاراں سنگر گپتگ ءُ زورگریں پاکستانی پوج ءِ کارمند نشانگ کرتگ اَنت۔ چہ ایشی آسر ءَ باز کارمند مرتگ ءُ ٹپی بوتگ۔ پاکستانی پوج ءِ کارمند چہ ترس ءَ تتکگ ءُ نزیکیں میتگ ءَ وت ءَ چیر اِش داتگ ۔
جارکش ءَ گوشتگ کہ دگہ یک اُرشے ءَ 22 جون ءِ شپ ءَ سرمچاراں مَشکے ءِ ھند میسکی ءَ یوپون شرکت ءِ ٹاور ءِ سر ءَ اُرش کرتگ ءُ سولر پینلز ءُ مشین ءُ سامان مانداشتگ ءُ تباہ کرتگ انت۔
آئی ءَ گوشتگ که 23 جون ءِ بیگاہ ءِ ادار چار ءَ بی ایل ایپ ءِ سرمچاراں ھزدار ءِ ھند وڈ کاکا ھیر ءَ یک گاڑی یے نشانگ کرتگ کہ آ ریاست ءِ چیردستی ءَ گرانھادیں سنگ برگ ءَ بوتگ۔ اُرش ءَ گاڑی تاوان داتگ ءُ ڈرائیور ءَ تاوان نہ داتگ۔
میجر گھرام ءَ درشان ءِ گڈی ءَ درسیں اُرشانی زمہ واری من اِتگ۔
