چہ ھب چوکی ءَ پاکستانی پوج ءَ جاھو ءِ جاہ منندیں ورنایے آوار جتگ ءُ بیگواہ کرتگ۔
زرمبش جھگیر ءِ رد ءَ بیگواھیں ورنا ءِ نام سکی داد ء مھمد بکش اِنت کہ جاھو پیلار ءِ جاہ مند اِنت۔ آ وتی مات ءُ پتانی یکیں زھگ اِنت گس ءِ والینوک اِنت۔پرندشی یک ءُ نیم ءَ پاکستانی پوج ءَ دارو ھوٹل ءَ آئی گھار ءِ گس ءَ بیڑ برتگءُ گوں مردمانی زوراکی کنگ ءَ پد آوار جتگ ءُ بیگواہ کرتگ۔
آئی کھول ءَ چہ انسانی ھکانی ادارھاں لوٹ کرتگ کہ پہ سکی داد ءِ آجوئی ءَ توار چست بہ کن اِت۔ سکی داد وتی گس ءِ والینوک بیتگ چہ آئی زوریں بیگواھی ءَ کھول سکا جنجال اِنت۔ سکی داد ءِ پت مھمد بکش چماں کور اِنت آئی ءَ ابید چہ ھمے زھگ ءَ دگہ ھچ آسر ءَ نیست۔
آئی ءَ گوں سرکار ءَ لوٹ کرتگ کہ سکی داد ءِ سر ءَ چونیں بھتامے ھست گڑا آمیدگس ءَ پیش کنگ بہ بیت اگاں بے میار اِنت گڑا زوت یل کنگ بہ بیت۔
