تمپ ءَ چہ دزی ءُ لٹ ءُ پلی ءِ بگیری ءَ انجمن تاجران، سیول سوسائٹی، سیاسی ٹولی ءِ لس مردمانی نیمگ ءَ دومی روچ ءَ ھم تھتگ بند ھرتال کنگ بیتگ ءُ اے میان ءَ زھرشانی رواکے کشگ بیتگ کہ آیاں جتائیں جاھاں تر ءُ گرد کنگ ءَ پد لیویز ءُ پولیس تانہ ءِ دیم ءَ مچ بیتگ اَنتءُ زھرشانی اِش کرتگ۔
زھرشانی کنوکاں گوں سرکار ءَ لوٹ کرتگ ءُ گوشتگ کہ تمپ ءَ دزی ءُ لٹ ءُ پلی ءِ بگیری ءَ دلگوشءَ گور بہ کنت ءُ لس مردمانی جان ءُ مال ءِپھازداری ءِ بابت ءَ دلجمی بہ دنت۔
آیانی گوشگ اِنت کہ دز نہ تھنا گس ءُ دکاناں لٹءُ پل کنگ ءَ اَنت بلکیں مردمانی مال ءُ دلوت ھم پھریز نہ اَنت چہ ایشی ءَ ھمک مردم سکا ھیران اِنت۔
