اسلام آباد : پاکستانی پوج ءَ نوشکے ءِ جاہ منندیں ورنایے آوار جنگ ءَ پد بیگواہ کرتگ۔
زرمبش جھگیرءِ رد ءَ بیگواھیں ورنا ءِ نام شایان مینگل ء ھاجی امیر ھمزہ مینگل اِنت کہ نوشکے ءِ ھند اھمد کازی آباد ءِ جاہ منند اِنت۔ پوج ءَ19جون 2025ءَ چہ اسلام آباد ءِ ٹول پلازہ ءَ آوار جتگ ءُ بیگواہ کرتگ۔
بیگواھیں شایان ءِ بابت ءَ گوشگ بیت کہ آ پیڈرل میڈل کالج اسلام آباد ءِ نودر بر اِنت۔
چوش کہ چہ بلوچستان ءَ ابید ھم چہ پاکستان ءِ آدگہ ھند ءُ دمگاں بلوچ نودربر جتائیں وھداں آوار جنگ ءُ بیگواہ کنگ بوگ ءَ اَنت۔
