زور بیگواھیں سلمان بلوچ ءِ گھار سادیہ بلوچ ءَ گوشتگ کہ جسٹس امان اللہ یاسین زھی ءِ نیمگ ءَ منی برات ءِ کیس گوں نادرسی ءَکشگ بیتگ، آ نہ تھنا راھبند ءِ آرٹیکل 9 ءُ 10 A ءِ تچک ءَ بگیری اِنت، بلکیں ھمے پیش داشتگ کہ آ انساپ ءِ نہ بلکیں ریاست ءِ زوراکیانی پھازدار جوڑ بیتگ۔
آئی ءَ گوشتگ کہ زور بیگواھیں مردم نہ تھنا پما پائل اَنت بلکیں مئے ارواہ ءِ بھر اَنت۔ ھمک روچ آیانی ساڑی بوگ پما کھر گوار ایت۔ سلمان بلوچ 13 نومبر 2022 ءَ چہ شال ءَ بیگواہ کنگ بیتگ ءُ داں مرچی آئی ھچ وڑیں ھال نیست۔
سادیہ بلوچ ءَ چہ ریاستی ادارہ ءُ آمیدگس ءَ جست کرتگ کہ راھبند ءِ داتگیں بنیادی انسانی ھک دیگ نہ بیت گڑا لس شھری کج ءَ برو اَنت؟
سادیہ بلوچ ءَ گوں انسانی ھکانی گل ءُ سول سوسائٹی ءَ لوٹ کرتگ کہ آ زور بیگواھیں مردمانی کھولانی کمک ءَ بہ کن اَنت ءُ اے جھد ءَ آیانی توار جوڑ بہ بنت۔
