تربت: 23 جنوری ءَ پاکستانی لشکر ءِ دست ءَ زور بیگواہ کنگ بوتگیں ورنا شھا ب الدین ءِ گھار ءَ وتی تامربندے ءَ برات ءِ آجوئی ءِ لوٹ کرتگ ءُ گوشتگ کہ زی منی برات پولیس گس ءِ نزیک ءَ چہ دکانے ءَ روچ ءِ دو ءَ آوار جنگ ءُ بیگواہ کنگ بوتگ۔
![](https://zrumbesh.com/wp-content/uploads/2024/01/1000195435.jpg)
آئی ءَ گوشتگ کہ منی برات بے میار اِنت آئی ھچ میارباری نہ کرتگ، اگاں منی برات ءَ چونیں میارباری یے کرتگ گڑا آمیدگس ءَ پیش کنگ بہ بیت ءُ آئی میارباری گوشگ بہ بیت، پولیس ءِ دست ءَ دیگ بہ بیت دانکہ ما بہ زانیں آئی چے کرتگ۔
آئی ءَ گوشتگ کہ اگاں منی برات داں چار شمبے 17 جنوری ءَ یل کنگ نہ بوت گڑا من گوں وتی کھول ءُ آدگہ مردمانی ھواری ءَ چہ پریس کلب ءَ داں شھید پدا چاراہ ءَروانکے کش ایں، من گوں بلوچ راج ءَ دزبندی کناں کہ آ بیا اَنت ءُ اے روانک ءَ بھر بزور اَنت۔ اے روانک سھب ءِ یازدہ ءَ درکپ ایت ءُ مردم وت ءَ ھمے وھد ءَ سر بہ کن اَنت۔