کیچ: بلوچی زبان ءِ نامداریں گشندہ استاد مسلم ھمل ءِ جنک گلزمین مسلم ھمل بیران بیتگ۔
گلزمین مسلم ھمل ءِ بابت ءَ گوشگ بوگ ءَ اِنت کہ آئی ءَ دگہ نادراھی نہ بوتگ دوشی اناگت ءَ تپے ءَ گپتگ ءُ بیران بوتگ۔
چہ گلزمین مسلم ھمل ءِ بیرانی ءِ ھال ءِ رسانکدر ءَ شنگ بوگ ءَ پد ماں چاگردی رسانکدر ءَ چہ جتائیں بھرگاں سْیادی داروکیں مردمانی نیمگ ءَ دلپدری درشان کنگ بوگ ءَ اِنت۔
زرمبش جھگیر ءِ رد ءَ استاد مسلم ھمل اے وھد ءَ وتی گس ءَ ساڑی نہ بوتگ، آئی ءَ دیر اِنت کہ مزن ھور ءَ پروگراماں بیتگ، مرچی چہ امارات ءَ درکپتگ ءُ کیچ ءَ پیداک اِنت۔
