بلوچستان لبریشن پرنٹ (بی ایل ایپ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ ھاران شھر ءَ پاکستانی پوج ءِ جتگیں چاریگی کیمرھانی بگیری ءَ بی ایل ایپ ءِ سرمچاراں 15جون ءِ بیگاہ ءِ ادار ھپت ءِ نزیک ءَ یک سوبمندیں کاروائی یے کرتگ۔ اے کاروائی ءَ سرمچاراں شاھوانی چاراہ، سبزی منڈی، کلہ چاراہ ءُ نھاد جاہ ، ( شاپنگ سینٹر ) بازار ءَ ھوار جتاھیں جاھاں جتگیں کیمرہ دور کرتگ ءُ برتگ اَنت۔
آئی گوشتگ کہ زورگریں پوج ءِ نیمگ ءَ چیریں کیمرھانی سر ءَ چارگ اے کار ءِ مول بلوچ راج ءِ تر ءُ گرد ءُ آدگہ سر پُرانی سر ءَ نزر ایر کنگ انت۔ بی ایل ایپ سرپد بیت کہ چیریں کیمرھانی رد ءَ چارگ ھمے وڑیں انتزام بلوچ راج ءِ سرءَ دیگ بیتگیں پاکستانی نوک آبادکاری سرکار ءُ زوراکی ءِ برجاہ دارگ ءُ زرمبشت ءِ بگیری ءَ جنگ ءَ زورگریں پوج ءِ یک وسلیھے۔
میجر گھرام ءَ وتی درشان ءِ گڈی ءَ گوشتگ کہ داں بلوچستان ءِ آجوئی ءَ بلوچ راج ءِ بگیری ءَزورگریں پوج ءِ ھر وڑیں زوراکی ءُ چاریگی ءِ بگیری ءَ وتی جھد ءِ برجاہ دارگ ءِ کول ءَ کن ایں۔
