کیچ: دوشی پاکستانی پوج ءُ کشندہ ٹولی ءِ کارمنداں کونشکلات ءُ میر ایسا کورجو تمپ ءَ بیڑ بُرتگ ءُ زوراکی کُرتگ، دو لوگانی سر ءَ دستی بمب چگل داتگ۔
زْرمبش جھگیر ءِ رد ءَ پاکستانی پوج ءُ کشندہ ٹولی ءِ کارمنداں کونشکلات ءَ شپیک ء درمھمد ءُ کورجو ءَ مھمد ھیات ء مھبت ءِ لوگ ءَ دستی بمب چگل داتگ، اے میان ءَ پاکستانی پوج ءِ ڈرون ھم بال بیتگ۔ چہ بمب اُرشاں لوگانی دیم ءَ ایر بیتگیں آپ ءِ ٹانکی ءُ لوگانی در ءُ دروازگاں تاوان بیتگ ءُ شپیک ءِ لوگی نئیمہ ء ملک میرین ٹپی بیتگ کہ پہ درمان کنگ ءَ نادراھجاہ ءَ برگ بیتگ۔
