بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ 13 جون ءِ شپ ھشت ءُ نیم ءَ شال ءِ ھند دشت امر ڈھور ءَ برجاھیں پاکستانی پوج ءِ چوکی ءِ سر ءَ راکٹ لانچر ءِ لھتیں گولا آس داتگ کہ دو گولا چوکی ءِ تہ ءَ نشانگ ءَ کپتگ اَنت۔ چہ ایشی ءَ چوکی ءِ تہ ءَ کوکار بوتگ گڑاں سرمچارانی دومی ٹولی ءَ چوکی ءِ سر ءَ گوں ٹوھیں سلاھاں اُرش کرتگ۔ اُرش ءِ آسر ءَ دژمنیں پوج ءِ سَے کارمند مرتگ ءُ پنچ ٹپی بوتگ۔
آئی گوشتگ کہ دژمنیں پوج ءَ اُرش ءِ پسو ءَ میتگانی سر ءَ مارٹر گولا آس داتگ ءُ داں دیر ءَ تیرگواری کرتگ بلے سرمچارانی رندگیری ءِ توکل نہ کرتگ۔ سرمچاراں نزیکیں ٹیلی نار شرکت ءِ موبائل ٹاور ھم نشانگ کرتگ۔ مشین ءُ سامان مانداشتگ اَنت ءُ دمگ ءَ داں شپ ءِ نیم ءَ تر ءُ گرد کرتگ ءُ دگ بستگ۔
آئی گوشتگ کہ 14 جون ءِ سھب ءِ ادار 8:45 ءَ بی ایل ایپ ءِ سرمچاراں ھاران سی پیک دگ سرگردان ءَ بند کرتگ ءُ گاڑی پٹ ءُ پول کرتگ اَنت۔ پہ دژمنیں لشکر ءَ راشن بروکیں لھتیں گاڑی داشتگ ءُ ڈرائیور کڈن کنگ ءَ پد یل داتگ اَنت۔
میجر گھرام ءَ دشت ءُ ھاران ءِ کاروائیا نی زمہ واری من اِتگ اَنت۔
