مستونگءِ پاکستانی پوج ءِدست ءَ کشگ بیتگیں ورنا اھسان شاہ ءِ مات ءَ لوٹ کرتگ ءُ گوشتگ کہ اگاں منی زھگ میار بار اِنت گڑا آئی میارباری گوشگ بہ بیت، بے میار اِنت آئی کشندہ سزا دیگ بہ بنت یا من تیر جنگءُ کشگ بہ باں۔
آئی ءَ گوشتگ کہ ریاستی ادارھاں پسو دیگ لوٹ ایت کہ آ لس مردمانی پھازدار اَنت یا پہ باندات ءَ ترس اَنت۔ اھسان شاہ ءِ ھون جست کنگ ءَاِنت ءُ ایشی پسو انساپ اِنت۔ اے پھازدار نہ اَنت بلکیں کشندہ اَنت۔
آئی ءَ گوشتگ کہ منی زھگ ءِ ھمبل ھما وھد ءَ ٹپی بیتگ آئی کھول پوج ءَ ترسینتگ کہ ھچ وڑ ءَ گپ مکن اِت اگاں نہ شمئے سرجمیں کھول تاوان دیگ یا بیگواہ کنگ بیت۔
آئی ءَ گوشتگ کہ من اے گپ ءَ زان آں اے توانمند من ءَ انساپ دات نہ کن اَنت بلے من یک ماسے ءِ بستار ءَ چہ اے ادارھاں انساپ ءِ لوٹءَ کن آں۔
