شال: پاکستانی پوج ءِ دست ءَ زوربیگواھیں ابدلگنی ءِ کھول ءَ چہ شال پریس کلب ءَ پریس کانپریس کرتگ ءُ گوشتگ کہ ابدلگنی ءِ زوریں بیگواھی ءَ ھبدہ روچ سرجم بیتگ کہ انگت بیگواہ اِنت زوت آجو کنگ بہ بیت۔
آئیءَ گوشتگ کہ منی برات 25 مئی ءِ شپ ءَ چہ شال ءَ کراچی ءَ روگ ءَ بیتگ چہ ھزدار ءَ ایپ سی ءَ آوار جتگ ءُ بیگواہ کرتگ۔ من ھمے جست کنگ لوٹ آں کہ منی برات ءِ میار چے اِنت؟ آئی میار ھمیش اِنت کہ آ وانوک ءُ کتاب دوستے بیتگ۔
آئی ءَ گوشتگ کہ ابدلگنی ءِ زوریں بیگواھی ءَ انچو روچ گوستگ مارا آئی بابت ءَ ھچ وڑیں ھال دیگ نہ بیتگ کہ آ چون ءُ کج ءَ اِنت۔ گوں آئی ءَ چے کنگ بوگ ءَ اِنت۔ ابدالگنی ءِ زوریں بیگواھی ءَ مئے سرجمیں کھول جنجال کرتگ۔
آئی ءَ گوشتگ کہ ما سرکار، انتزامیہ ءُادارھاں چل ءُ ھشت ادار ءِ وھد ءَ دے ایں اگاں آ یل کنگ نہ بوت گڑا ما ترندیں گامگیج زوریں ایشی ءِ درسیں زمہ واری سرکار ءُ انتزامیہ ءِ سر ءَ بنت۔
