بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ میتگ دازن تمپ ءَ گومازی ءِ دوراھی ءَ برجاھیں پاکستانی لشکر ءِ پانگس ءِ سر ءَ اُرش کُرتگ۔
آئی ءَ گوشتگ کہ شمبے ءِ شپ ءِ ھشت ءُ نیم ءَ دُژمنیں لشکر چہ نزیک ءَ گوں نوکین ءُ ٹوھیں سلاھاں نشانگ کُرتگ، چہ ایشی ءَ دژمن ءِ یک کارمندے مُرتگ ءُ یکے ٹپی بیتگ۔
بی ایل ایپ ءِ جارکش میجر گھرام ءَ اُرش ءِ زمہ واری منّ اِتگ ءُ گوشتگ کہ ھمے کول ءَ کن ایں پاکستان ءِ زورگری ءِ بگیری ءَ سرمچارانی تُرندین ءُ سَسّائی اُرش داں سرڈگار ءِ آجوئی ءَ برجاہ بنت۔
