نیدرلینڈز ءِ جاہ منندیں بلوچانی نیمگ ءَ 9 جون 2025 ءَ ایمسٹرڈیم ءَ مزنیں ائید ءِ درگتءَ یک بلوچی دیوانے برجم دارگ بیت۔ دیوانءِ جارچینی ءِ ڈبہ ولید تائرءُ کدیر ساگرءِ کوپگان بیتگ۔
اےدیوان ءِ باگواجہ ماسٹر ابدالگنی بلوچ بیتگ، گچینی مھمان پروپیسر ھسب جابان ءُ بلوچی زبان ءِ نامداریں گشندہ استاد بکشی بلوچ بیتگ۔ اے دیوان سئے بھرانی تہ ءَ بیتگ، اولی بھر گشتانک، دومی بھر شائریءُ سئیمی بھر ساز ءُزیمل بیتگ۔
گشتانکءِ بھرءَ کامریڈ مھیم بلوچ، پروپیسر ھسن جانان ، وا ابوالھسن، ابداللہ بلوچ ءُ کماش ابدالگنی بلوچءَ گپ جتگ ءُ وتی ھیال درشاں کتگ اَنت۔
دومی شائری بھر ءَ مھم جان گل، باسد زھیر، بلوچ دوست مندی ، سمیر تائر، ولید تائر ، کدیر ساگر ءُ ھسا بجارءَ وتی شئیر ونتگ َانت ءُ دیوانءَ داد گپت۔
سئیمیءُ گڈی بھر سازءُ زیمل بیتگ کہ استاد بکشی بلوچءُ آابد جان کادرءَ گوں وتی توتی الھانیں توارءَ دیوان وشنود کتگ۔
