مشکے: شش سال پیش پاکستانی لشکر ءِ دست ءَ زور بیگواہ کنگ بوتگیں شاہ میر ء اللہ داد ءِ کھول ءَ آئی آجوئی ءِ لوٹ کرتگ۔
کھول ءِ گوشگ اِنت کہ شاہ میر ء اللہ داد شش سال پیش پاکستانی لشکر ءَ بیگواہ کرتگ کہ انگت بیگواہ اِنت، آئی ءِ بارو ءَ مارا ھچ وڑیں سرپدی دیگ نہ بوتگ کہ چون ءُ کج ءَ اِنت۔
آئی ءَ گوں مردمی ھکانی ادارھاں پہ شاہ میر ءِ آجوئی ءَ توار چست کنگ ءِ لوٹ کرتگ ءُ گوشتگ کہ پہ شامیر ءِ آجوئی ءَ وتی کرد ءَ پیلو بہ کن اِت۔
شاہ میر ءِ بیگواھی ءَ پیش پاکستانی لشکر ءَ آئی برازتک گور ھان ء ازیز آوار جتگ ءُ بیگواہ کرتگ، لشکر ءَ گوشتگ کہ شاہ میر بیت ءُ بنجل ءَ پیش بہ بیت ما آئی برازتک ءَ یل کن ایں۔ 25 جنوری 2016 ءَ شاہ میر تنک مشکے ءِ بنجل ءَ شتگ پاکستانی لشکر ءَ شاہ میر بیگواہ کرتگ کہ انگت بیگواہ اِنت۔
شاہ میر ءِ بیگواھی ءَ پد آئی ءِ بیگواھیں برازتک گورھان ءَ پاکستانی لشکر ءَ شھید کرتگ ءُ لاش چگل داتگ۔
