تربت: پاکستانی پوج ءِ جوڑ کرتگیں چیریں ادارھانی کارمنداں مردمے آوار جتگ ءُ بیگواہ کرتگ۔
زرمبش جھگیر ءِ رد ءَ بیگواھیں مردم ءِ نام ھاتر لال ء لال بکش اِنت کہ تربت آسکانی ءِ جاہ منند اِنت۔ زی بیگاہ ءِ شش ءَ چیریں ادارھانی کارمند دو گاڑیانی سر ءَ اتکگ اَنت چہ گس ءَ آوار جتگ ءُ برتگ۔ آیاں بیڑ برگ ءِ میان ءَ جنین ءُ زھگ لٹ داتگ اَنت۔
زور بیگواھیں ھاتر لال ءِ بابت ءَ گوشگ بیت کہ آ دبی ءَ مزدوری ءَ بوتگ ءُ وتی موکلاں گس ءَ اتکگ بیگواہ کنگ بوتگ۔
