بیسیمگ: زورگریں پاکستانی پوج ءِ دست ءَ زور بیگواھیں نودربر ماہ جبین بلوچ ءُ آئی برات مھمد یونس ءِ بیگواھی ءِ بگیری ءَ زھرشانی روانکے کشگ بیتگ۔ روانک ءَ نودربر، جنین ءُ زھگاں ھوار مردماں بازیں کچے ءَ بھر زرتگ۔
زھرشانی کنوکیں مردماں زور بیگواھیں ماہ جبین بلوچ ءُ مھمد یونس ءِ اکس ءُ پلے کارڈ دستاں بیتگ کہ آیاں زوریں بیگواھی ءِ بگیری ءَ اوگام جتگ ءُ ماہ جبین ءُ مھمدیونس ءَ ھوار آدگہ بیگواھیں مردمانی آجوئی ءِ لوٹ کرتگ۔
اے بابت ءَ زور بیگواھیں ماہ جبین ءُ مھمد یونس ءِ گھار رکیہ بلوچ ءَچاگردی رسانکدر ایکس ءَ نبشتگ کہ مرچی بیسیمگ ءِ شھر ءَ پہ منی گھار ءُ برات ءِ آجوئی ءَ روانکے کشگ بیتگ سدانی کچ ءَ مردماں بھر زرتگ۔ مئے مردم چہ پاکستان ءَ ھمے جست ءَ کنگ ءَ اَنت کہ ریاست اے کودکیں جنین ءُ نودربراں چی ءَ آوار جنگءَ اَنت۔ پاکستان ریاست چہ اسرائیل ءَ ھم گنتر بیتگ۔
