شال: دہ روچ پیش چہ ریڈ زون ءَ زورگریں پاکستانی لشکر ءِ دست ءَ زور بیگواہ کنگ بیتگیں ایمل بلوچ ءِ مات ماہ جبین بلوچ ءَ پہ وتی زھگ ءِ آجوئی ءَ توار چست کنگ ءِ لوٹ کرتگ۔
ماہ جبین بلوچ ءَ وتی کلوھی تامربندے ءَ گوشتگ کہ 23 مئی ءِ شپ ءِ دوءَ منی زھگ ایمل بلوچ ءَ پوج ءَ چہ گس ءَ زور بیگواہ کرتگ۔ مرچی یازدہ روچ سرجم بیتگ آئی ھچ وڑیں ھال نیست۔
آئی ءَ گوں سرکارءُ انسانی ھکانی ادارھاں لوٹ کرتگ کہ پہ منی زھگ ءِ آجوئی ءَ وتی کرد ءَ پیلو بہ کن اِت۔
