بیسیمگ: چہ شال ءَ زورگریں پاکستانی پوج ءِ دست ءَ زور بیگواہ کنگ بیتگیں ماہ جنین بلوچ ءُ مھمد یونس بلوچ ءِ کھول ءَ آیانی زوریں بیگواھی ءِ بگیری ءَ زھرشانی ءَ رونکے ءِ کشگ ءِ جار جتگ۔
آیانی گھار رکیہ بلوچ ءَ وتی کلوھی تامربندے شنگ کرتگ ءُ گوشتگ کہ ماہ جبین ءُ مھمد یونس انگت ءَ بیگواہ اَنت آیانی بابت ءَ مارا ھچ وڑیں سرپدی دیگ نہ بیتگ۔
آئی ءَ گوشتگ ما باندا سھب ءِ یازدہ ءَ ما چہ بیسیمگ وانگجاہ ءَ ماہ جبین بلوچ ءُ یونس بلوچ ءِ ھک ءَ زھرشانی روانکے کش ایں، من گوں وتی ھندی ملا، ٹکی سروک، سیاسی کارکن، وکیل ، تاجر ءُ گوں بیسیمگ ءِ گیرتمندیں مات ءُ گھاراں لوٹ کن آں کہ اے رنجانی ساھت ءَ مئے گون ءَ کمک بہ کن اَنت ءُ شریں وڑے ءَ توار چست بہ کن اَنت۔
