تربت| شال: زورگریں پاکستانی پوج ءُ چیریں ادارھانی کارمنداں دو ورنا آوار جتگ ءُ بیگواہ کرتگ۔
زرمبش جھگیر ءِ رد ءَ چہ تربت ءَ آوار جنگ بیتگیں ورنا ءِ نام ادنان ء تاھر اِنت کہ سنگانی سر ءِ جاہ منند اِنت ءُ آ پولیس کارمندے۔ مرچی پاکستانی پوج ءَ ھما وھد ءَ آوار جتگ کہ آ چہ گس ءَ در اتکگ ءُ بازار ءَ روگ ءَ بوتگ۔
بنشون ءِ رد ءَ چہ شال ءَ زور بیگواہ کنگ بیتگیں ورنا ءِ نام بھرام ء واھد اِنت ءُ آ نودربرے ءُ ھیرونک ءِ جاہ منند اِنت۔ دوشی چہ شال، ایسا نگری ءَ آوار جنگ ءُ بیگواہ کنگ بیتگ۔
