شال: بیگواھیں بلوچانی توار ( وی بی ایم پی ) ءَ ماں رسانکدر ءَ وتی شنگ کرتگیں درشانے ءَ گوشتگ کہ ھاپز متی اللہ ءُ جمیل اھمد ءِ زوریں بیگواھی ءِ کیس کھولاں گل ءِ کِر ءَ یاداشت کرتگ اَنت ءُ گوشتگ کہ ھاپز متی اللہ پرکانی ء شمس الھک پاکستانی لشکر ءَ پانزہ اگست 2023 ءَ بیری کانک مستونگ ءَ چہ آئی جند ءِ گس ءَ درکانودی آوار جتگ۔
آئی ءَ گوشتگ کہ جمیل اھمد بادینی ء اَبدالسلام یک نودربرے کہ 22 اکتوبر2021 ءَ سریاب دگ شال ءَ بلوچستان زانشتجاہ ءِ نزیک ءَ پاکستانی لشکر ءَ درکانودی آوار جتگ ءُ بیگواہ کرتگ کہ کھول ءَ ھچ وڑیں سرپدی دیگ نہ بوتگ ھمے سوب ءَ کھول سکا جنجالانی دیمپان اَنت۔
آئی ءَ گوشتگ کہ گل ءَ ھاپز متی اللہ پرکانی ءُ جمیل اھمد بادینی ءِ کھول دلجمی داتگ اَنت کہ آیانی کیساں پہ زور بیگواھیں مردماں جوڑ بوتگیں کمیشن ءُ سرکار ءَ دیگ ءِ ھواری ءَ پہ آیانی آجوئی ءَ ھمک جاہ ءَ توار چست کن ایں۔
