شال: نیشنل ڈیموکرٹیک پارٹی ءِ کارکن گنی بلوچ ءِ زوربیگواھی ءِ بگیری ءَ آئی کھول ءَ پنچ شمبے ءِ روچ ءَ شال پریس کلب ءَ پریس کانپرنس کرتگ ءُ گوشتگ کہ زوربیگواہ کرتگیں گنی بلوچ ءآجو یا آمیدگس ءَ پیش بہ کنگ بہ بیت۔ گنی بلوچ یک پُرایمنیں کارکن ءُ براھوئی لبزانک ءَ ایم پل ءِ نودربرے اِنت۔
کھول ءِ گوشگ اِنت کہ آ 25 مئی ءَ چہ شال ءَ کراچی ءَ روگ ءَ بوتگ کہ ھزدار ءِ نزیک ءَ پاکستانی پوج ءُ چیریں ادارھانی کارمنداں بے میار ءَ آوار جتگ ءُ بیگواہ کرتگ۔ گنی بلوچ ءِ بیگواھی ءَ پد آئی ھچ ھال نیست کہ چون ءُ کج ءَ اِنت۔ چریشی ءَ ما سسائی آزارانی دیمپان ایں۔
گنی بلوچ ءِ کھول ءَ چہ ریاستی ادارہ، انسانی ھکانی گل، سْیاسی ٹولی ءُ نودربر گلاں گوں لوٹ کرتگ کہ آ پہ گنی بلوچ ءِ آجوئی ءَ توار چست بہ کن اَنت ءُ وتی کرد ءَ پیلو بہ کن اَنت۔
