ھزدار: زورگریں پاکستانی پوج ءَ کوڑاسک ءِ جاہ منندیں ورنایے آوار جتگ ءُ بیگواہ کرتگ۔
زرمبش اھوالکار ءِ رد ءَ زور بیگواہ کنگ بوتگیں ورنا ءِ نام زپراللہ ء جاھی گلام نبی اِنت پاکستانی پوج ءَ 25 مئی 2025 ءَ گوں دگہ دو ناکو ءِ ھمراھی ءَ ھزدار ءَ وتی بنجل ءَ لوٹائینتگ۔ آ دوئیں مردم یل کنگ بوتگ اَنت ءُ زپر اللہ انگت بیگواہ اِنت۔
چوش کہ زپر اللہ یکبرے 29 اکتوبر 2023 ءَ زور بیگواہ کنگ بوتگ اَت چہ بازیں آزاراں پد یل کنگ بوتگ۔ اے آئی دومی رند اِنت کہ بیگواہ کنگ بوتگ۔
