بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که 26 مئی ءَ بی ایل ایپ ءِ سرمچاراں شال ءِ ھند دشت ، درکشان ءَ پاکستانی لشکر ءِ چوکی ءِ دیم ءَ اوشتوکیں سے کارمند گوں دستی بمب ءَ نشانگ کرتگ اَنت که ایشی ءِ آسر ءَ سئیں کارمند سکا ٹپی بیتگ اَنت ، سوبمندیں ارش ءَ پد سرمچار زوت درکپتگ اَنت ءُ په سلامتی وتی بندراں سر بیتگ اَنت۔
آئی ءَ گوشتگ که دگه یک اُرشے ءَ مرچی بیگاه ءِ پنچ ءَ آواران ءِ ھند جاھو ، زیلگ ءَ زورگریں پاکستانی لشکر ءِ چوکی یے گوں راکٹ لانچر ءُ آدگه ٹوھیں سلاھاں نشانگ کرتگ ، بی ایل ایپ ءِ اسنائپرٹولی ءَ چوکی ءِ پھازداریں کارمند نشانگ کرتگ ءُ جاھی کشتگ ، پد ءَ گوں راکٹ لانچر ءُ ٹوھیں سلاھاں چوکی ءِ سر ءَ ترندیں اُرشے کرتگ ، دژمن ءِ چوکی ءِ سر ءَ راکٹ آس داتگ ءُ گوں دگه سلاھاں تیرگواری ءِ درچ داں بیست دمان ءَ برجاه بیتگ که ایشی ءِ آسر ءَ لشکر ءِ سے کارمند مرتگ ءُ باز ٹپی بیتگ۔
میجر گھرام بلوچ ءَ شال ءُ جاھو ءِ اُرشانی زمه واری من اتگ گوشتگ ءُ گوں بلوچ ورناھاں لوٹ کن اِیں که وھد ءُ جاوراں سرپد به بنت ءُ په راجی زرمبشت ءِ سوبمندی ءَ بی ایل ایپ ءِ گون ءَ ھوار به بنت ءُ په آجوئی زرمبشت ءَ وتی کرد ءَ پیلو به کن اَنت۔
