بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ22 مئی 2025 ءَبی ایل ایپ ءِ سرمچاراں تربت ءِ ھند زیارت ءِ سر ءَ نشانگیں آپریشنے ءِ میان ءَ ملٹری انٹلی جنس ( ایم آئی ) ءِ نزیکیں کارمند دلشاد ء اللہ بکش جاہ منند مچی مالار ءُ راشد ھکیم جاہ منند تربت نشانگ کرتگ ءُ کشتگ اَنت۔
آئی ءَ گوشتگ کہ اے دوئیں کارمند ایم آئی ءِ سرگرم ءُ کار کنوکیں کارمند بیتگ اَنت کہ تربت ءَ ھوار کِر ءُ کشاں ریاستی لشکر ءِ لشکری کاروائی ءُ بلوچ بگیریں کاراں یکشل ءَ ھوار بیتگ اَنت۔ راشد ھکیم، دلشاد پنام شاہ جان مالار ءَ وتی چیر دستیں ورنایاں پہ ریاستی پندل سازی ءَ کار گرگ ءَ بیتگ۔ وھدے کہ رسانکدر ءَ بلوچ کارکنانی چارگ ءُ سرپدی ءِ یکجاہ کنگ ءِ زمہ واری دیگ ءَ ھوار بیتگ۔
جارکش ءَ گوشتگ کہ انوں اے دوئیں کارمند تربت شھر ءَ شرپمندیں بلوچ کھولانی سر ءَ ارش، بازیں ورنایانی زور بیگواہ کنگ، بالگتر ءُ کولواہ ءَ سرمچارانی راھانی بند کنگ ءَ تچک ءَ ھوار بیتگ۔ چوش کہ راشد ھکیم ءِ پت ھکیم ھم پیسر ءَ پہ ریاستی ایم آئی ءَ چاریگی کنگ ءَ سرمچاراں نشانگ کرتگ ءُ کشتگ۔
آئی ءَ گوشتگ کہ دگہ یک کارے ءَ 25 مئی 2025 ءِ شپ ءَ ھشت ءِ نزیک ءَ بی یل ایپ ءِ سرمچاراںھاران ءِ ھند تاگزی ءَ زورگریں پاکستانی لشکر ءِ یک چوکی یے ءِ سرءَ ارش کرتگ۔ اے کاروائی ءَ سرمچاراں راکٹ ءِ باز گولا آس داتگ کہ بنجل ءِ تہ ءَ کپتگ اَنت ،ایشی آسر ءَ دژمنیں لشکر ءِ دو کارمند مرتگ ءُ چوکی ءَ کمیں تاوان بیتگ۔
میجر گھرام بلوچ ءَ ھاران ءَ زورگریں لشکر ءِ سر ءَ ارش ءُ تربت ءَ ریاستی ایم آئی ءِ کارمندانی کوش ءِ زمہ واری من اتگ ءُ گوشتگ کہ داں بلوچستان ءِ آجوئی ءَ زورگریں لشکر، آئی مالی، لشکری، رھوتی شوربندی، مالی نپ ءُ کمکاراں نشانگ کن ایں۔
