کیچ: زورگریں پاکستانی لشکر ءُ چیریں ادارھانی کارمنداں بلوچ نیشنل موومنٹ ( بی این ایم ) ءِ بنجاھی پنانس ناسر بلوچ ءِ گس ءَ بیڑ برتگ ءُ آئی ءِ گھار زتک آوار جتگ ءُ بیگواہ کرتگ۔
بنشون ءِ رد ءَ زور بیگواھیں ورنا ادنان ء لیاکت اِنت بُگ ءِ جاہ منند اِنت کہ زورگریں پاکستانی لشکر ءَ انشپی یک ءُ دو ءِ میان ءَ گس ءَ بیڑ برتگ ءُ ادنان آوار جتگ ءُ گوں وت برتگ۔
زورگریں لشکر ءَ بیڑ برگ ءِ میان ءَ گسانی پٹ ءُ پول کنگ ءِ ھواری ءَ گوں جنین ءُ زھگاں ھوار آدگہ مردماں ھم زوراکی کرتگ ءُ باز مردم لٹ داتگ ءُ پد ءَ یل داتگ اَنت۔
