پسنی: پاکستانی لشکر ءِ دست ءَ زوربیگواه کنگ بیتگیں مردمانی کھولاں پسنی ءِ پریس کلب ءَ پریس کانپریس کرتگ ءُ وتی زھگانی یل کنگ ءِ لوٹ کرتگ.
زوریبگواھیں آسپ ابراھیم ، ادنان ھیدر ، ھدایت الله انایت ، شوھاز انایت ، نومان مکتار ءُ سمیر امیر ءِ کھولاں ماں پریس کانپریس ءَ گوشتگ که مئے زھگ آوار جنگ ءُ بے میار ءَ بیگواه کنگ بیتگ اَنت ، چه ایشی ءَ ما سکا آزارانی دیمپان اِیں ، مارا مئے زھگانی بابت ءَ ھچ وڑیں ھال دیگ نه بیتگ که آیانی میار چے اِنت.
کھولاں گوشتگ که مئے بے میاریں زھگ آجو کنگ به بنت ، اگاں آیانی سر ءَ میارے ھست گڑا آمیدگس ءَ پیش کنگ به بنت ، اگاں مئے زھگ زوت یل کنگ نه بیت اَنت ما درسیں کھول پسنی زیرو پوائنٹ ءَ زھرشانی ءَ نند اِیں ءُ دگ ءَ بند کن اِیں.
