بلوچ نیشنل موومنٹ ( بی این ایم ) ءِ بنجاھی سرکماش ڈاکٹر نسیم بلوچ ءَ ماں چاگردی رسانکدر ءِ تندجاہ ایکس ءَ زور بیگواھیں ھاسل ھسرت ءِ مات ءِ بیرانی ءَ دلپدردی درشان کرتگ ءُ گوشتگ من بلوچ نیشنل موومنٹءِ بنجاھی پتر ءِ باسک، زور بیگواھیں ھاسل ھسرتءِ ماس بی بی ذلیکہ ءِ بیرانیءَ سک دلپدرد آں۔
بی این ایم ءِ سرکماش ءَ گوشتگ کہ آئی ءَ دہ سال ءَ گیش درد ءُ رنج ءِ تہ ءَ گوازینتگ ءُ وتی چُک ءِ ودار ءَ بوتگ کہ 19 پروری 2014 ءَ پاکستانی لشکر ءِ دستءَ آوار جنگ بوتگ ءُ گار ءُ بیگواہ بوتگ۔ پاکیں ھاوند مکھیں مات ءَ باگیں بھشت ءَ جاگہ بنت۔
