بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ شانزہ مئی 2025 ءَ بی ایل ایپ ءِ سرمچار پہ گل ءِ کارے ءَ ھاران ءِ ھند جورکین ءَ یک سپرے ءَ بیتگ اَنت کہ سپر ءِ میان ءَ آگوں ریاست ءِ جوڑ کرتگیں کشندہ ٹولی ءِ کارمنداں دیم پہ دیم بیتگ اَنت۔ سرمچار ءُ دژمن ءِ جوڑ کرتگیں کشندہ ٹولیءِ کارمندانی میان ءَ یک دراجکشیں میڑے بیتگ۔ جنگ ءِ میان ءَ گل ءِ یک جوانیں ھمبلے زاھد سمالانی بلوچ ء ھاجی گلام نبی سمالانی نال، کوڑاسک ءِ جاہ منند گوں جوانمردی ءَ دژمن ءِ بگیری ءَ جنگءَ ٹپی بیتگ ءُ گوں ٹپی ئیں جاوراں جنگ برجاہ داشتگ ءُ کشندہ ٹولی ءِ کارمندانی دیم داشتگ ءُ پہ وتی ھمبلانی سلامتی کشگ ءَ سوبین بیتگ۔ بلے وت داں گڈی ءَ تیر ءَ جنگ داشتگ ءُ نمیران بیتگ۔
آئی ءَ گوشتگ کہ شھید زاھد سمالانی بلوچ مارچ 2022 ءَ پہ بلوچستان ءِ آجوئی ءَ جھد ءَ بی ایل ایپ گچین کرتگ۔ اے جتائیں وھداں مشکے، جاھو، آواران، گچک ءُ ھاران ءَ ھوار جتائیں ھنداں دژمن ءِ بگیری ءَ جنگاں بھر زرتگ۔
میجر گھرام بلوچ ءَ گوشتگ کہ بی ایل ایپ ھمبلیں سرمچار شھید زاھد سمالانی ءَ سکا گوں ستک ءُ شرپ ءَ ستک شانی ءُ دروت ندر کنت ءُ شھید زاھد سمالانی بلوچ ءَ ھوار پہ سرڈگار ءِ آجوئی ءَ ندر بیتگیں پسگانی پگر ءُ لیکہ ءِ کاروان ءِ داں گڈی منزل ءَ سر کنگ ءَ جھد ءَ برجاہ دار ایت۔
