کیچ: بلوچ نیشنل موومنٹ ( بی این ایم) ءِ پیشگیں بنجاھی پتر ءِ باسک یوسپ بلوچ ءِ نبشتگیں کتاب زوت شنگ بوگ ءَ اِنت۔
اے کتاب یوسپ بلوچ ءَ بی این ایم ءِ بنجاھی سروک شھید چئیرمین گلام مھمد بلوچ ءِ زندنامگ ءُ آئی ءِ راجکاری ءُ لیکھی سسا ءِ سر ءَ نبشتگ۔ اے کتاب ءَ یوسپ بلوچ ءَ شھید گلام مھمد بلوچ ءِ زندمان ءِ سرجمیں بھرگ گوں جوانی ءَ ءُ شریں وڑے ءَ گیشینتگ اَنت، اے کتاب پہ وانوکاں یک گرانبھائیں مڈی یے ۔ ھما مردم کہ شھید گلام مھمد بلوچ ءِ لیکہ ءُ سسا ءِ بارو سرپدی لوٹ ایت گڑا پہ اے کتاب ءِ زورگ ءَ گوں بابا جی آر بلوچ، بھار بلوچ، جیھند بلوچ ءُ سید بلوچ ءَ رھوت بہ کنت۔
چوش کہ اے کتاب پیسر ءَ 2019 ءَ ای بُک ءِ ھساب ءَ چہ زرمبش شنگکاری ءِ نیمگ ءَ شنگ بیتگ اَت، نوں اے کتابی دروشم ءَ شنگ بوگ ءَ اِنت۔
