بلوچ راجدوستیں سروک ءُ بلوچ نیشنل موومنٹ ( بی این ایم ) ءِ پیشیگیں سرکماش ھلیل بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ گوریچانی وزیرستان ءِ ھند ھرمز، میر الی ءَ چار کودکیں زھگانی ریاست ءِ رستری کوش نہ تیوک ءَ پہ پشتوناں ویلے اےپہ درسیں ایردستیں راجاں ھواریں دردے۔
آئی ءَ گوشتگ کہ بلوچ راج وت گوستگیں ھپت دھک اِنت کہ پاکستان ریاست ءِ زوراکیانی دیم پہ دیمی ءَ کنگ ءَ اِنت، گوں میر الی ءِ نزوریں کھولاں اوشتاتگ۔ ما زان ایں کہ اے زوراکیں لشکر گوں کجام رستری ءَ پُل گونگیں زھگاں گوں بمب ءَ ھلاس کنت ءُ گوں کجام بے دردی ءَ ماتانی کٹ ءَ ھالیگ کنت۔
ھلیل بلوچ ءَ گوشتگ کہ ما اے رستری، ناشری ءُ زوراکی ءِ گامگیج ءَ گوں ترندیں دانکاں ایر جن ایں ءُ پاکستانی لشکر ءَ کڈن کن ایں کہ پشتون، بلوچ، سندی یا چونیں ھم ایردستیں راجے ءِ زھگانی چست کنگ ءِ آسر گوستانک ءِ تہ ءَ رزوائی بیتگ۔ بلوچ پشتون راج ءِ اے درد ءَ مار ایت چی ءَ کہ اے ھواریں دردے۔
